Молитва повседневного благодарения Господу Иисусу Христу. иеросхимонаха Иеронима (Соломенцева, духовника Свято-Пантелеимоновго монастыря, 1805-1885)

Молитва повседневного благодарения Господу Иисусу Христу. иеросхимонаха Иеронима (Соломенцева, духовника Свято-Пантелеимоновго монастыря, 1805-1885)

Господи Иисусе Христе, Сыне Божий! Славословлю и благодарю Тя за все излиянные на мя Твоя милости и благодеяния. Славлю долготерпение Твое и поклоняюся благоутробию Твоему: Ты бо создал мя еси по благодати Своей из небытия в бытие — человеком по образу Твоему и по подобию, даровал мне жизнь и дыхание от христианских православных родителей; Ты просветил мя еси Божественным и св. крещением, обновив мя падшего банею пакибытия: Ты мене ради соделался человеком, на земли явился и с человеки пожил, претерпел страшные страсти, крестную смерть и тридневное погребение, искупил мя от клятвы законные честною Твоею Кровию, излиянною за спасение мира; Ты даровал мне святого Духа и сыноположение, Ты питаеши мя пречистою Твоею Плотию и Кровию, соделовая мя причастником Божества Твоего; Ты даровал мне познание Пресвятого Твоего Имени, и сподобляеши мя покланятися Тебе - истинному Богу; Ты даруеши мне падшему — покаяние, избавив мя от суеты мира сего и призвав к монашеской ангелоподобной жизни, среди святых избранников Твоих, в жребий Пречистые Твоея Матери,- Её же молитвами сподоби мя быти достойным сего звания и не лиши мя оного за мое недостоинство, но презри вся моя согрешения вольная и невольная, и помилуй мя Имене ради святого Твоего, сохрани мя от всякого искушения вражия, беды и напасти, всего душевредного, гибельных и постыдных страстей /.../, уцеломудри мя немощного, согрей сердце мое любовию к Тебе, да не возлюблю ино что паче Тебе, Господи, укрепи мя в вере и призвании моем — духовной жизни, исправи мя.

Вразуми, просвети светом истины Твоея, научи мя заповедем Твоим, и, имиже веси судьбами спаси мя недостойного раба Твоего, яко благословен еси во веки веков спаси мя недостойного раба Твоего, яко благословен еси во веки веков Аминь

— иеросхимонах Иероним (Соломенцев)